عايز اعرف راى كل واحد يدخل انت حبيت عشان ايه بمعنى ايه اللى خلاك تحب شريكة حياتك هل عشان جمالها ولا عشان فلوسها ولا عشان عينها حلوة ولا عشان لبسها شيك ولا عشان دمها خفيف ولا عشان كل اللى عرفوها حبوها ولا عشان كل الناس بتقول عليها انها بنت حكاية ولا عشان ايه بالظبط وانتى حبتيه عشان ايه عشان هو وسيم ولا عشان البودى بيلدنج ولا عشان بيلبس هدوم غالية وستايل ولا عشان تسريحة شعره ولا عشان ريحة البرفان بتاعه حاجة تحير سؤال ممكن كتير ميعرفوش يجوبوا عليه وفى منهم اللى ممكن يراجع نفسه ويلاقى انه مفيش سبب حقيقى او سبب فعلا يستحق انك تختار الإنسان ده شريك لحياتك اللى بقى منتشر دلوقتى فعلا ومش حقول على الكل لا بس المعظم ان كله بقى بيحب عشان الأسباب اللى انا قولتها دى وفى اسباب تانية وكل واحد ليه اسبابه والغريب ان بقى مفيش اخلاص ولا خوف على الحب ولا على الحبيب ولا على المشاعر ولا على اى حاجة كل واحد وواحدة فرحانين بكلمة بحبك وفى كتير مش عارفين معناها وفى كتير بيقولوها وهما مش حاسينها وفى كتير بيقولوها كذب ياترى ايه سبب الحب دلوقتى قليل لما بنسمع ان فى حد بيحب عشان شخصية اللى قدامه او عشان دينه وده طبعا فى المقام الأول او عشان اخلاقه او عشان تفكيره او عشان ذكائه او عشان نجاحه فى حياته وفى اسباب كتير تانية لما الإنسان بياخد بيها فعلا بيكون اختياره لشريك حياته صح عشان ساعتها بيتولد حب بجد والله اعلم طبعا لأن اكيد مفيش حب بيتولد عشان الجمال او عشان اللبس ومع الآسف المعظم دلوقتى بيدور على المظهر مش الجوهر انا عايز رأيكم وكل واحد ياجماعة ياريت يقول رأيه بصراحة
موضوع: ليه انت بتحب يلي بتحبو ؟؟؟؟؟ ------ كتب هذا الموضوع Cute Guy 
الثلاثاء يوليو 14, 2009 3:18 am